„არასრულწლოვნებზე რეცეპტის გარეშე გაცემული ,,ellaOne?’’ – ორმაგი ტყუილი

არასრულწლოვანი გოგონასთვის აფთიაქში შესვლა და “ellaOne”–ის შეკვრის ყიდვა პრობლემას აღარ წარმოადგენს.  პრეპარატის გამოყენება დაუცველი სექსიდან 5 დღის განმავლობაშია ეფექტური.  იტალიის მედიკამენტების სააგენტომ (AIFA),  ფარმაცევტზე რეცეპტის ჩვენების ვალდებულება 18 წლამდე ასაკის თინეიჯერებისთვის გააუქმა.ზრდასრულებითვის კი ეს კანონი 2016 წელს მიიღეს.

არასწორი ინფორმაცია

ჯანმრთელობის სხვა საკითხებთან შედარებით, ამ აბების ურეცეპტოდ გაყიდვა მედიისთვის შეუმჩნეველი დარჩა. ეს არის საკითხი, რომელიც ქალის დაორსულებასა და ჯანმრთელობას ეხება. „ჩვენ ორმაგი ტყუილის წინაშე ვდგავართ,“– განუცხადა iFamNew-ს პროფესორმა ბრუნო მოზანეგამ, პადუას უნივერსიტეტის მეან-გინეკოლოგმა. ექიმი ‘ellaOne’-ის შესახებ დეზინფორმაციას ეხება, რომელიც ჩასახვის საწინააღმდეგო საშუალებადაა წარმოდგენილი. „სინამდვილეში ქალი რეგულარულად ახდენს ოვულაციას, როდესაც მედიკამენტს ციკლის ყველაზე ნაყოფიერ დღეებში იღებს.  იგი ენდომეტრიუმს განაყოფიერებისთვის შეუძლებელ მდგომარეობაში აყენებს,’’ გვიხსნის პროფესორი.

ეს ჩვეულებრივი კი არა,  ორსულობის საწინააღმდეგო აბებია. განსხვავება არც ისე მცირეა. ”ჩვეულებრივი კონტრაცეპტივები ჩასახვის საწინააღმდეგოდ გამოიყენება, მაგრამ  ორგანიზმში ბიოლოგიურ პროცესებს ხელს არ უშლიან, ასეთი ჰორმონების მიღება თვის ყველა დღეს უნდა ხდებოდეს, ხოლო გადაუდებელი კონტრაცეპტივები ემბრიონის მიმაგრებას უშლიან ხელს, ესეიგი საქმე აბორტის გამომწვევ მედიკამენტთან გვაქვს. ეს ნათქვამია EMA– ს, მედიკამენტების ევროპული სააგენტოს 2009 წლის დოკუმენტში, რომელიც” ellaOne ”- ს რეალიზებას ახდენს,“  – აღნიშნავს პროფ. მოზანეგა. ექიმის აზრით, ”არასწორი ინფორმაცია ქალს სწორად ინფორმირებასა და არჩევანის თავისუფლებაში უშლის ხელს.“

ქალები ორმაგი სიცრუის წინაშე დგანან

ჯანმრთელობის რისკები

ეს კონტრაცეპტივი ქალის ჯანმრთელობას საფრთხე უქმნის.  პადუას უნივერსიტეტის პროფესორი აღნიშნავს, რომ “ellaOne” წამლის კოლოფზე არანაირი გაფრთხილება არ არის “ღვიძლის რისკის”   ან “სამედიცინო კონტროლის საჭიროების შესახებ”. ამასთან, ორივე ტერმინი ,,ესმიას’’ შეფუთვაზეა დატანილი და ყოველდღიურად, საშვილოსნოს ფიბროზული სიმსივნის სამკურნალოდ გამოიყენება. მოზანეგას განმარტებით, ეს პრეპარატი ”EMA– მ გაყიდვიდან ერთი თვის წინ ამოიღო, რადგან რვა ქალს მოუწია ღვიძლის გადანერგვა და ერთი მათგანი დაიღუპა. ” ესმიას აქტიური ინგრედიენტია ულიპრისტალის აცეტატი, რაც ‘ellaOne’ – შიც შედის. ”ხაზგასმით უნდა აღინიშნოს,” – განაგრძობს ის, ”რომ  ულიპრისტალის აცეტატის მიღების შედეგად, ამ ქალებიდან ერთ–ერთს, ჯანმრთელობის მდგომარეობა სერიოზულად დაუზიანდა. ეს არის 3–დან  20 დღემდე მკურნალობის კურსი, რომელიც ‘ellaOne’–ის ერთ ან ორ აბს უდრის.“

არსებობს კიდევ ერთი ასპექტი, რომელსაც პროფესორი უსვამს ხაზს: ” კავშირი ესმიასა და ტოქსიკურ ეფექტებს შორის შესაძლებელი იყო, რადგან ყველა ქალმა მედიკამენტი სამედიცინო დანიშნულებით მიიღო. ამიტომ, მათი ფარმაკოლოგიური ჩარჩოს მოძიება შეიძლებოდა. “EllaOne” – ის შემთხვევაში კი რეცეპტების არარსებობის გამო, მსგავსი შემთხვევების შესახებ ინფორმაციის გაგება შეუძლებელი იქნება.“  გინეკოლოგი, რომელმაც სიპრეს ვებ – გვერდზე გამოქვეყნებულ თემას კვლევა მიუძღვნა,  ასკვნის რომ ” შვილოსნობასთან დაკავშირებით ქალებს არასწორი ინფორმაცია ეძლევათ, უფრო მეტიც, მათი ჯანმრთელობა საფრთხის ქვეშ დგება ისე, რომ მათ ამის შესახებ არაფერი იციან. ამ ყველაფრის გათვალისწინებით, გამოდის, რომ ახალგაზრდობა სრულიად დაუცველია.“